90% trader detay pèdi lajan. Men si ou konnen erè yo ANVAN ou kòmanse, ou gen yon avantaj enòm.
Erè #1: Trade San Fòmasyon
Yon moun gade 5 videyo sou YouTube, li panse li pare, li depoze $2,000 — nan 3 semèn li pèdi tout.
Solisyon: Swiv yon fòmasyon estrikti ki ba ou yon metòd de A a Z.
Erè #2: Riske Twòp pa Trade
Imajine ou riske 10% sou chak trade. 5 pèt konsekitif = 50% nan kont ou disparèt.
Règ la: Pa janm riske plis pase 1-2% nan kont ou pa trade.
Erè #3: Revenge Trading
Ou pèdi, ou fache, ou pran yon lòt trade pi gwo pou "reprann" lajan an. Ou pèdi ankò pi gwo.
Solisyon: Gen yon Daily Loss Limit. Si ou rive la, fèmen platfòm nan.
Erè #4: Pa Gen Plan Trading
San yon plan, ou trade ak emosyon. Ak emosyon, ou pèdi.
Solisyon: Ekri yon plan ki reponn: ki mache, ki lè, ki kondisyon, konbyen risk.
Erè #5: FOMO
Nasdaq monte 200 pwen, ou pa ladan li. Ou achte nan tèt la. Pri a tounen.
Fraz pou sonje: "Mache a pral la demen. Kont mwen dwe la tou."
